Առողջություն

Թարմացվող գրաֆիկներ․ Covid-19-ի հաստատված դեպքերը ՀՀ-ում

«Ամփոփ Մեդիան» ինֆոգրաֆիկաների միջոցով ներկայացնում է Հայաստանի Հանրապետությունում նոր կորոնավիրուսի հաստատված դեպքերի ամենօրյա դինամիկան՝ սկսած մարտի 1-ից, երբ պաշտոնապես հայտարարվեց, որ Հայաստանում հայտնաբերվել է նոր կորոնավիրուսով առաջին դեպքը։ Գրաֆիկները թարմացվում են Առողջապահության նախարարության կողմից օրական մեկ անգամ՝ առավոտյան 11:00-ին տրամադրվող պաշտոնական տվյալների հիման վրա։

Յուրաքանչյուր գրաֆիկում ներկայացված են հաստատված վիրուսակիրների, բուժվածների և մահվան ելքերի քանակը, մինչ օրս արված թեստերի արդյունքները, իսկ քարտեզում արտացոլված են հայտնաբերված դեպքերը՝ ըստ մարզերի։

Ապրիլի 3-ի դրությամբ բուժվել է 43 մարդ, մահացել` 7-ը։ Մահացության առաջին դեպքը գրանցվել էր մարտի 26-ին։ Մահացողներից մեկը 55 տարեկան էր, մյուսները՝ 70-ից բարձր։ Նրանք բոլորն էլ ունեցել են կորոնավիրուսային հիվանդություն և ուղեկցող այլ քրոնիկական հիվանդություններ։

Հավելենք նաև, որ մարտի 16-ին նոր կորոնավիրուսի տարածումը կանխարգելելու նպատակով  ՀՀ Կառավարությունը հայտարարեց Հայաստանի Հանրապետության ողջ տարածքում մինչև ապրիլի 14-ը արտակարգ դրություն մտցնելու մասին։ Իսկ մարտի 24-ից՝ ժամը 23:59-ից ուժի մեջ մտավ խստացված ռեժիմը, որի ընթացքում տեղաշարժվելիս հարկավոր է ունենալ անձը հաստատող փաստաթուղթ և լրացնել տեղաշարժման թերթիկ․ այն հասանելի է նաև առցանց։

Ապրիլի 1-ից՝ ժամը 23։59-ից մինչև ապրիլի 12-ը ներառյալ երկարացվել են արտակարգ ռեժիմի պայմաններում տեղաշարժի և տնտեսական գործունեության որոշ տեսակների նկատմամբ սահմանափակումները:

Առաջին գրաֆիկում ներկայացված է յուրաքանչյուր օրվա հաստատված դեպքերի քանակը, որտեղ երևում է, որ արտակարգ դրության որոշման օրը և դրան հաջորդած օրերին հաստատված դեպքերի կտրուկ աճ է գրանցվել։

Երկրորդ գրաֆիկում ներկայացված է յուրաքանչյուր օրվա և դրան նախորդած օրերին հաստատված դեպքերի հանրագումարը։


Մարզային տվյալները նախարարության կողմից թարմացվել են մարտի 31-ին: Ըստ այդ տվյալների՝ հաստատված 532 դեպքից ճշգրտված էր 502 քաղաքացու բնակության վայրը: Մնացած 30 պացիենտի բնակության վայրը պարզվում էր, քանի որ վերջիններիս փաստացի և անձնագրում հաշվառված տվյալների մեջ կա անհամապատասխանություն:

Մարտի 1-ից մինչ օրս արված 4126 թեստից 18.6%-ի արդյունքները դրական են եղել, ինչը նշանակում է, որ բոլոր հետազոտվածներից 770-ը կորոնավիրուսային հիվանդության վարակակիր են եղել։ Նրանցից բուժվել են 43-ը կամ 5.5%-ը, մահացել՝ 7-ը կամ 0.9%-ը։

Ըստ Առողջապահության նախարարության տվյալների՝ կորոնավիրուսի ախտորաշման թեստավորում կատարվել է դեռևս փետրվարի 3-ից։ Ընդհանուր առմամբ, փետրվարին՝ 16 օրերի ընթացքում ախտորոշվել է 118 անձ, բոլորի արդյունքները՝ բացասական։ Առաջին դրական արդյունքն արձանագրվել է մարտի 1-ին, թեստավորումների թիվն ավելացել է մարտի 12-ից:

 

Պատրաստեց Կարինե Դարբինյանը

Նույն թեմայով կարդացեք

«Ամփոփ Մեդիան» այս օրերին կաշխատի արտակարգ ռեժիմով։
✅ Հետևեք մեր սոցիալական էջերին և տեղեկացեք առաջին աղբյուրներից ստացված ամենակարևոր և ակտուալ տեղեկությունների մասին
Facebook: ➡️ https://web.facebook.com/ampop.am/
Telegram: ➡️ https://t.me/ampopmedia
Instagram: ➡️ https://www.instagram.com/ampop.am/
Twitter: ➡️ https://twitter.com/ampoparmenia

ՈՒՇԱԴՐՈՒԹՅՈՒՆ © Ampop.am կայքի նյութերի, թարգմանությունների և վիզուալ պատկերների հեղինակային իրավունքը պատկանում է «Լրագրողներ հանուն ապագայի» ՀԿ-ին: Արգելվում է օգտագործել Ամփոփի նյութերն ու վիզուալ պատկերները առանց պատշաճ հղման: Առցանց այլ հարթակներում Ամփոփի պատրաստած եւ տարբերանշանը կրող վիզուալ պատկերները հնարավոր է վերբեռնել միայն ԼՀԱ-ի հետ համապատասխան համաձայնության դեպքում:

Փորձագետի կարծիք




Ամփոփեցի՞ր, դե փոխանցի՛րShare on Facebook
Facebook
Tweet about this on Twitter
Twitter
Share on LinkedIn
Linkedin
Հրապարակվել է` 21/03/2020