Սոցիալական

COVID-19-ից մահերի վիճակագրությունը Հայաստանում. տարիք, սեռ, ժամանակագրություն

Նոյեմբերի 3-ի դրությամբ Հայաստանում գրանցվել է կորոնավիրուսից մահացության 1448 դեպք, ինչը ընդհանուր վարակվածների 1.5%-ն է։

Մարտի 26-ից նոյեմբերի 3-ը օրական միջինը կորոնավիրուսից մահացել է 7 մարդ։ Բացարձակ թվերով կորոնավիրուսից  ամենաշատ մահերն օրական կտրվածքով՝ 41 մահգրանցվել է հոկտեմբերի 30-ին։ Ամսական կտրվածքով ամենաշատ մահերը բացարձակ թվով՝ 400 մահ, ևս արձանագրվել է  հոկտեմբերին։

Մինչդեռ տոկոսային հարաբերակցությամբ ամենաշատ մահերն ամսական կտրվածքով գրանցվել է օգոստոսին՝ 2.5%, այսինքն՝ օգոստոսին կորոնավիրուսի ընդհանուր 5234 հաստատված դեպքերի 2.5%-ի վախճանը եղել է մահվան ելքով։

 


Կարդացեք նաև Թարմացվող գրաֆիկներ․ Covid-19-ի հաստատված դեպքերը ՀՀ-ում 


Համաձայն Առողջապահության նախարարության տվյալների, կորոնավիրուսից մահացության առաջին դեպքը Հայաստանում գրանցվել է մարտի 26-ին՝ 72 տարեկան պացիենտի մոտ։ Մահացածներից ամենաերիտասարդը 16 տարեկան աղջիկ էր (ունեցել է ծանր քրոնիկական հիվանդություններ), ամենատարեցը՝ 102 տարեկան տղամարդ։

Ըստ ստորև բերված գրաֆիկում ամփոփված տվյալների՝ 2020թ․-ի մարտի 26-ից հոկտեմբերի 27-ը՝ 7 ամսվա կտրվածքով, կորոնավիրուսից մահացածների 97.5%-ն ունեցել է ուղեկցող քրոնիկական հիվանդություն, իսկ 2.5%-ը կամ 31 մարդ մահացել է առանց ուղեկցող հիվանդությունների, նրանցից 17-ը՝ կին, 14-ը՝ տղամարդ։

Առանց ուղեկցող հիվանդությունների պացիենտներն ավելի երիտասարդ տարիքում են մահացել․ նրանց միջին տարիքը՝ 57-ն է, մինչդեռ ուղեկցող քրոնիկական հիվանդություններով մահացածներինը՝ 71-ը։

Ամփոփ Մեդիայի հավաքած այս տվյալներից զտիչի միջոցով հնարավոր է դուրս բերել Հայաստանում 2020թ․-ի մարտի 26-ից հոկտեմբերի 27-ը կորոնավիրուսից գրանցված ամենաշատ և ամենաքիչ թվով մահերը՝ ըստ տարիքի և սեռի։

Ապրիլի 29-ից սկսած՝ Առողջապահության նախարարությունը կորոնավիրուսի հետ առնչվող մահերը սկսեց դասակարգել 2 խմբի՝ մահեր կորոնավիրուսից և կորոնավիրուսով վարակվածների մահեր այլ պատճառներից։ Երկրորդի դեպքում, ըստ մասնագետների, մահը վրա է հասնում կորոնավիրուսի հետ չփոխկապակցված պատճառներից։ Այլ պատճառով մահացածները 389-ն են կամ կորոնավիրուսով վարակվածների 0.4%-ը։ Նրանց տվյալները ներառված չեն վերոնշյալ գրաֆիկում։

Այսպիսով, կորոնավիրուսով վարակվածների մահվան ելքերն ընդհանուր 1837-ն են

Ամփոփում և թարմացնում է Կարինե Դարբինյանը

COVID-19-ը Հայաստանում․ այս թեմայով այլ նյութեր

✅ Հետևեք «Ամփոփ Մեդիայի» սոցիալական էջերին

Facebook: ➡️ facebook.com/ampop.am/
Telegram: ➡️ t.me/ampopmedia
Instagram: ➡️ instagram.com/ampop.am/
Twitter: ➡️ twitter.com/ampoparmenia

#COVID19 #crisis

ՈՒՇԱԴՐՈՒԹՅՈՒՆ © Ampop.am կայքի նյութերի, տվյալների, վիզուալ պատկերների և թարգմանությունների հեղինակային իրավունքը պատկանում է «Լրագրողներ հանուն ապագայի» ՀԿ-ին: Արգելվում է օգտագործել Ամփոփի նյութերն ու վիզուալ պատկերները առանց պատշաճ հղման: Առցանց այլ հարթակներում Ամփոփի պատրաստած եւ տարբերանշանը կրող վիզուալ պատկերները հնարավոր է վերբեռնել միայն ԼՀԱ-ի հետ համապատասխան համաձայնության դեպքում:

Փորձագետի կարծիք




Հրապարակվել է` 15/08/2020