Երևանի կենտրոնական փողոցներից մեկում, որտեղ կողք կողքի գործում են տարբեր սրճարաններ, մի նեղլիկ կիսաթեք աստիճան տանում է դեպի «Մամա ջան» բար-սրճարան։
Անցնում ես սրահով ու ականջիդ են հասնում սլավոնական լեզուներով զրույցների պատառիկներ․ հասկանում ես՝ հաճախորդները հիմնականում սլավոնական ծագում ունեն։ Այսպես է «Մամա ջան» բար-սրճարանում մասնավորապես այս տարվա փետրվարի 24-ից հետո, երբ Հայաստանը հազարավոր ռուսների համար ապահով հանգրվան դարձավ։
Մոտենում է ժպտադեմ մի կին․ Յուլիա Կիսլևն է՝ սրճարան-բարի հիմնադիրը։ Տարիներ առաջ Յուլիայի կյանքում հայտնվեց մի մարդ, որի համար թողեց ամեն ինչ ու եկավ Հայաստան։ Խոսքը դերասան Գևորգ Հովակիմյանի մասին է։
Յուլիան պատմում է, որ սրճարան-բար հիմնել միշտ է ցանկացել, իսկ հայաստանյան պայմանները հնարավորություն են տվել իրագործելու գաղափարը։
«Մամա ջան»-ի ստեղծման, իր հաճախորդների և Հայաստանի ու հայաստանցիների վերաբերյալ ընկալումներով Յուլիան կիսվում է «Ամփոփի Մեդիայի» պոդքաստում։
Հեղինակ՝ Մարիամ Գրիգորյան
Լուսանկարները անձնական արխիվից
#podcast #ամփոփպոդկաստ
Այլ հոդվածներ այս շարքից՝ #WarInUkraine
Կարդացեք նաև
- Հեղափոխությունից ոգեշնչված ավստրալահայ ընտանիքի հայրենադարձ պատմությունը
- Երևանի մնջախաղի թատրոնը չի սահմանափակվում ունեցած ձեռքբերումներով
ՈՒՇԱԴՐՈՒԹՅՈՒՆ © Ampop.am կայքի նյութերի և վիզուալ պատկերների հեղինակային իրավունքը պատկանում է «Լրագրողներ հանուն ապագայի» ՀԿ-ին: Արգելվում է օգտագործել Ամփոփի նյութերն ու վիզուալ պատկերները առանց պատշաճ հղման: Առցանց այլ հարթակներում Ամփոփի պատրաստած և տարբերանշանը կրող վիզուալ պատկերները հնարավոր է վերբեռնել միայն ԼՀԱ-ի հետ համապատասխան համաձայնության դեպքում:
Փորձագետի կարծիք
Հրապարակվել է` 09/05/2022
