Իտալիայում մեկնարկում են 25-րդ Ձմեռային օլիմպիական խաղերը։ Փետրվարի 6-ից 22-ը աշխարհի ուշադրությունը սևեռված է լինելու Միլանի և Կորտինա դ’Ամպեցոյի մարզադաշտերին ու լեռնալանջերին։
Մինչ մարզիկները պատրաստվում են մեդալների համար պայքարին, «Ամփոփ Մեդիան» ներկայացնում է խաղերի գլխավոր առանձնահատկությունները։
Որտե՞ղ են անցկացվում խաղերը
Պատմության մեջ առաջին անգամ Օլիմպիադան ունի երկու պաշտոնական հյուրընկալող քաղաք՝ Միլանը և Կորտինա դ’Ամպեցոն։ Սա Իտալիայի համար 3-րդ Ձմեռային օլիմպիադան է. նախորդները տեղի են ունեցել 1956թ.-ին (դարձյալ Կորտինայում) և 2006թ.-ին (Թուրինում)։
Ովքե՞ր են մասնակցում և ի՞նչ մասշտաբով
Շուրջ 2,800 մարզիկ ավելի քան 90 երկրներից կմրցեն 16 մարզաձևերի 116 մրցումներում։
Ռեկորդային ցուցանիշ։
Մասնակիցների 47%-ը կանայք են, ինչը պատմական առավելագույնն է ձմեռային խաղերի ողջ պատմության ընթացքում։
Հայաստանը Միլանում. ովքե՞ր են մեր ներկայացուցիչները
Հայաստանն այս տարի ունի 5 մարզիկ։ Բացման արարողության ժամանակ մեր դրոշակակիրները կլինեն գեղասահքի սպորտային զույգը՝ Կարինա Ակոպովան և Նիկիտա Ռախմանինը։ Սա ՀՀ անկախության շրջանում գեղասահքի զույգերի առաջին օլիմպիական ուղեգիրն է։
Թիմի կազմը. Միքայել Միքայելյան, Կատյա Գալստյան (դահուկավազք), Հարություն Հարությունյան (լեռնադահուկային սպորտ) և Ակոպովա-Ռախմանին զույգը։
Նոր մարզաձև. ի՞նչ է «սկիմոն» (Skimo)
Օլիմպիական ընտանիքին է միացել լեռնադահուկային արշավը (Ski mountaineering)։ Սա դիմացկունության իսկական փորձություն է. մարզիկները նախ դահուկներով, այնուհետև ոտքով (դահուկները շալակած) բարձրանում են լեռը, ապա կրկին դահուկներով մեծ արագությամբ վայրէջք կատարում։
Մասնակցություն՝ առանց դրոշի
Ռուսաստանի և Բելառուսի 20 մարզիկներ հանդես կգան որպես «անհատ չեզոք մարզիկներ»։ Ուկրաինա ներխուժման պատճառով այս երկրների պաշտոնական օլիմպիական կոմիտեները որակազրկված են, իսկ թիմային մասնակցությունը (օրինակ՝ հոկեյի հավաքականները)՝ արգելված։
Ամփոփ Մեդիա
ՈՒՇԱԴՐՈՒԹՅՈՒՆ © Ampop.am կայքի նյութերն ու «Ամփոփ Մեդիա» տարբերանշանը կրող վիզուալ պատկերներն այլ աուդիովիզուալ հարթակներում հրապարակել հնարավոր է միմիայն «Ամփոփ Մեդիայի» և/կամ ԼՀԱ-ի ղեկավարության հետ համապատասխան համաձայնության դեպքում:
Փորձագետի կարծիք
Հրապարակվել է` 07/02/2026
